A++
Laerskool Durbanville
Laerskool Durbanville
A++
A++ is ‘n tong-in-die-kies komedie wat afspeel in die oordrewe dramatiese wêreld van kultuuraande, kompetisies en … drama mammas. Elizabeth Bremmer is ‘n skaam laerskooldogter wat niks minder wil hê as om UIT die kollig te bly nie. Haar ma, Saugvignon Bremmer, het egter ander planne vir haar dogter. Wanneer die gesogte Mozart Monoloog Wisseltrofee aangekondig word, word Elizabeth onwillig ingeskryf en reguit in die middel van ‘n kompetisie geplaas wat vinnig handuit ruk. Met ‘n flambojante dramajuffrou, ‘n oordrewe selfversekerde boelie, twee kompeterende mammas en ‘n beste vriend wat Elizabeth net probeer help oorleef, bou die spanning op tot ‘n absurde klimaks waar ego’s bots, reputasies op die spel is en voor jy kan sê “Encore!”, waai die hare en die versiersuiker!
Genre: Komedie | Nuutgeskrewe teks
