Die Hoop is ’n woordlose, sintuiglike, skouspelagtige teaterstuk wat narwerk, poppespel, mimiek en beweging implimenteer om gehore aan die dink te sit oor die mens self.

In ‘n wêreld waar die mensdom uiteindelik alles weggooi, daag HOOP op in die vorm van ‘n geel hoop rommel. Sy kies om optimisties te wees en lei dan die hele stortingsterrein om iets buitengewoons te doen – om lewe en liefde te gee, want die wêreld daarbuite het selfs dít al weggegooi.

Teen die einde van haar soeke om HOOP lewend te hou, is sy nou tuis by haar nuwe vriende. Wat duidelik na vore kom is: iemand se rommel is ‘n ander se skat.

So los jou dinge hier, hulle kyk daarna. Dan hoef jy nie verniet alles terug te dra nie.