KARLI HEINE

Karli Heine is ’n Kaapstadse performer en teatermaker. Sy het haar BDram Honneurs in Kabaret aan die Universiteit Stellenbosch in 2013 voltooi en werk sedertdien op ’n vryskutbasis as aktrise, stem- en kabaretkunstenaar en teatervervaardiger. Sy het die kykNET Fiësta vir beste ondersteunende aktrise gewen vir haar rol as Bybie in Reza de Wet se Op Dees Aarde en ’n Kanna vir haar rol as Gertruida in Hensop!. In 2024 is Die Potplant – ’n tragedie met die Kanna vir beste Lucky Pakkie bekroon. Karli speel sedert 2013 in talle verhoogproduksies, kabarette en kinderproduksies en was op televisie te sien in onder meer Buurtwag, Die Spreeus, Die Boekklub, Die Byl, Lui maar op, Belinda en Kelders van Geheime, asook in kortfilms en radiodramas.